राज्य कर्मचाऱ्यांचे जुलैची वार्षिक वेतनवाढ , डी.ए थकबाकी अदा करणे संदर्भात महत्वपुर्ण परिपत्रक निर्गमित !

by
Spread the love

लाईव्ह मराठी पेपर , प्रणिता पवार : राज्यातील कर्मचाऱ्यांच्या वेतन , वार्षिक वेतनवाढ तसेच महागाई भत्ता थकबाकी संदर्भात अत्यंत महत्वपुर्ण परिपत्रक कार्यालय वेतन पथक बुलडाणा यांच्याकडून दि.14.07.2023 निर्गमित करण्यात आलेला आहे , यामध्ये नमुद करण्यात आले आहेत कि , माहे जुलै 2023 च्या वेतनाबाबत देयके सादर करणे संदर्भात विविध सुचना देण्यात आलेल्या आहेत .

वार्षिक वेतनवाढ : सदर परिपत्रकांमध्ये नमदु करण्यात आलेले आहेत कि , ज्या कर्मचाऱ्यांना माहे जुलै मध्ये वार्षिक वेतनवाढ लागु आहे , अशा कर्मचाऱ्यांना वेतनवाढ लावून शालार्थ प्रणालीमध्ये नमुद करुन फॉरवर्ड करण्यात यावेत अशा सुचना संबंधित कार्यालय प्रमुखांना देण्यात आलेल्या आहेत . शिवाय ज्यांना वार्षिक वेतनवाढ लागु करण्यात आलेली नाही , त्याबाबत सबळ कारणासह ठराव जोडण्यात यावेत असे निर्देश देण्यात आलेले आहेत .

तसेच माहे जानेवारी 2023 ते जुन 2023 पर्यंतचे 4 टक्के महागाई भत्ता फरकाचे थकबाकी रक्कमेसह माहे जानेवारी 2023 ते मे 2023 पर्यंतचे 4 टक्के महागाई भत्ता फरकाचे थकबाकी रक्कमेसह देयके सादर करण्याचे निर्देश देण्यात आलेले आहेत .तसेच माहे जानेवारी व फेब्रुवारी 2023 चे वेतन अदा झालेले नाही त्यांनी मार्च 2023 ते मे 2023 या तीन महिन्यांचा महागाई भत्ता फरक समाविष्ट करावा , तसे फरकाचे विवरण पत्र वेतन बिलासोबत जोडावेत .

तसेच अनुदानिवरील ज्या शाळांमध्ये 20% ,40 % , 60% असे वेगवेगळे वेतन घेणारे कर्मचारी आहेत , अशा शाळा / क.म. वि यांनी 20 टक्के कर्मचाऱ्यांचे वेगळे 40 टक्के कर्मचाऱ्यांचे वेगळे व 60 टक्के कर्मचाऱ्यांचे असे वेगवेगळे देयके सादर करण्याच्या सुचना देण्यात आलेल्या आहेत .

आपण जर शासकीय – निमशासकीय कर्मचारी , शिक्षक – शिक्षकेत्तर कर्मचारी ,तसेच इतर पात्र कर्मचारी व सेवानिवृत्त पेन्शनधारक / कुटुंबनिवृत्तीवेतन धारक असाल तर Whatsapp ग्रुपमध्ये सामिल व्हा !

Leave a Comment