Live Marathipepar संगिता पवार प्रतिनिधी [ PM insurance scheme shasan nirnay ] : प्रधानमंत्री पिक विमा योजना अंतर्गत पुनर्रचित हवामानावर आधारित फळपिक विमा योजना राज्यात सन 2024-25 व सन 2025-26 या वर्षांमध्ये मृग व आंबिया बहाराकरीता अधिसुचित फळपिकांना लागु करणेबाबत राज्य शासनांच्या कृषी व पदुम विभागांकडून दिनांक 12 जुन 2024 रोजी अत्यंत महत्वपुर्ण शासन निर्णय निर्गमित करण्यात आलेला आहे .
सदरच्या शासन निर्णयानुसार , पीएम पिक विमा योजना अंतर्गत पुनर्रचित हवामानावर आधारित फळपिक विमा योजना सन 2024-25 व सन 2025-26 या 02 वर्षांसाठी मृग बहारांमध्ये संत्रा , चिकु , लिंबु , पेरु , मोसंबी , डाळिंब , सिताफळ , द्राक्ष या आठ फळपिकांसाठी व आंबिया बहारांमध्ये मोसंबी , संत्रा , काजु , डाळिंब , आंबा , केळी , द्राक्ष प्रायोगिक तत्वावर स्ट्रॉबेरी व पपई या 9 फळपिकांसाठी लागु करण्यास सदर शासन निर्णयाद्वारे मान्यता देण्यात येत आहे .
सदरचा शासन निर्णय हा सन 2024-25 व सन 2025-26 या दोन वर्षांमध्ये निर्णयांमध्ये नमुद केलेल्या जिल्ह्यांमधील तालुक्यातील महसुल मंडळात सहपत्र – 2 मध्ये निर्धारित केलेल्या हवामान धोक्यानुसार लागु करण्यात येत आहेत . सदर योजना कार्यान्वित करणाऱ्या विमा कंपन्या देखिल सदर निर्णयांमध्ये नमुद करण्यात आलेल्या आहेत .
योजनेची उद्दिष्टे : सदर योजनेची प्रमुख उद्दिष्टे म्हणजेच नैसर्गिक आपत्ती व हवामानातील प्रतिकृल परिस्थितीमुळे फळ पिकांचे नुकसान झाल्यास , शेतकऱ्यांना विमा संरक्षण देणे , तसेच पिकांच्या नुकसानीच्या अत्यंत कठीण परिस्थितीतही शेतकऱ्यांचे आर्थिक स्थैर्य अबाधित राखणे , तसेच शेतकऱ्यांना नाविन्यपुर्ण व सुधारित मशागतीचे तंत्रज्ञान व सामुग्री वापरण्यास प्रोत्साहन देणे , व कृषी शेतकऱ्यांना जोखमीपासुन संरक्षणाबरोबरच अन्नसुरक्षा पिकांचे विविधीकरण आणि कृषी क्षेत्राचा गतिमान विकास व स्पर्धात्मकतेत वाढ हे हेतु साध्य करणे .
विमा संरक्षणाचे अधिसुचित फळ पिके व उत्पादनक्षम वय ( वर्षे पुढीलप्रमाणे पाहु शकता ) ..
| अ.क्र | अधिसुचित फळ पिके | उत्पादनक्षम वय ( वर्षे ) |
| 01. | चिकु | 05 |
| 02. | आंबा | 05 |
| 03. | काजु | 05 |
| 04. | लिंबु | 04 |
| 05. | संत्रा | 03 |
| 06. | मोसंबी | 03 |
| 07. | सिताफळ | 03 |
| 08. | पेरु | 03 |
| 09. | द्राक्ष | 02 |
| 10. | डाळिंब | 02 |
मृग बहार फळपिक निहाय हवामान धोके व विमा संरक्षण कालावधी पुढीलप्रमाणे पाहु शकता ..
आंबिया बहार मध्ये फळपिक निहाय हवामान धोके व विमा संरक्षण कालावधी पुढीलप्रमाणे पाहु शकता ..
या संदर्भात राज्य शासनांच्या कृषी व पदुम विभागांकडून दिनांक 12 जुन 2024 रोजी निर्गमित करण्यात आलेला सविस्तर शासन निर्णय डाऊनलोड करण्यासाठी खालील लिंकवर क्लिक करावेत ..