Live Marathipepar संगिता पवार प्रतिनिधी [ divali festival leave paripatrak ] : दिवाळी सणाच्या निमित्त अधिकारी / कर्मचाऱ्यांना सुट्टी जाहीर करणेबाबत , अत्यंत महत्वपुर्ण परिपत्रक निवडणुक आयोगांकडून दि.30.10.2024 रोजी निर्गमित करण्यात आलेला आहे .
सदर परिपत्रकांमध्ये नमुद करण्यात आलेले आहेत कि , मा.भारत निवडणुक आयोगाने दिनांक 15.10.2024 रोजीच्या प्रसिद्धीपत्रकान्वये महाराष्ट्र विधानसभा सार्वत्रिक निवडणुक – 2024 चा कार्यक्रम घोषित केला आहे . त्या अनुषंगाने मुख्य निवडणुक अधिकारी महाराष्ट्र यांचे कार्यालय शनिवार , रविवार तसेच सार्वजनिक सुट्टीच्या दिवशी सुरु असते .
दिनांक 01.11.2024 ते दि.03.11.2024 या कालावधीमध्ये दिवाळी सण असल्याने दिनांक 01.11.2024 या दिवशी मुख्य निवडणुक अधिकारी कार्यालयातील अधिकारी / कर्मचारी यांना सुट्टी देण्यात येत आहे . तथापी सदर दिवशी ज्या कार्यासनातील कामकाज अविरतपणे सुरु ठेवणे आवश्यक आहे .
त्या कार्यासनाच्या अवर सचिव यांनी आवश्यकतेनुसार , अधिकारी / कर्मचारी यांना कार्यालयीन उपस्थिती बाबत सुचना देण्याचे निर्देश देण्यात आलेले आहेत . त्याचबरोबर दिनांक 02.11.2024 व दि.03.11.2024 या दिवशी या कार्यालयाच्या समक्रमांकाच्या दि.18.10.2024 रोजीच्या आदेशान्वये दिलेल्या सूचनांनुसार दिवशी कामाची निकड / आवश्यकता विचारात घेवून कोणते अधिकारी / कर्मचारी कार्यालयात उपस्थित राहणे आवश्कय आहे . याचा निर्णय संबंधित अवर सचिव यांनी त्यांच्या स्तरावर घेण्याचे निर्देश देण्यात आलेले आहेत .
तथापि महाराष्ट्र विधानसभा सार्वत्रिक निवडणुकीच्या अनुषंगाने प्राप्त होणाऱ्या तक्रारीचे निवारण करण्यासाठी स्थापन करण्यात आलेला नियंत्रण कक्ष दिनांक 01.11.2024 ते 7दि.03.11.2024 या कालावधीमध्ये देखिल नियमितपणे 24 X 7 सुरु ठेवण्याचे निर्देश देण्यात आलेले आहेत .
आपण जर शासकीय – निमशासकीय कर्मचारी , शिक्षक – शिक्षकेत्तर कर्मचारी , इतर पात्र कर्मचारी , तसेच सेवानिवृत्त पेन्शनधारक / कुटुंबनिवृत्तीवेतनधारक असाल तर Whatsapp ग्रुपमध्ये सामिल व्हा !.
